真正是
捷運這款新聞已經報幾擺矣？
根本就無應該設博愛座
身心障礙者權益保障法 第53條第3項
「大眾運輸工具應規劃設置便於各類身心障礙者行動與使用之無障礙設施及設備。未提供對
號座之大眾運輸工具應設置供身心障礙者及老弱婦孺優先乘坐之博愛座」
這條法律就是上大的問題
既然是「身心障礙者權益保障法」
就無應該共「老弱婦孺」牽拖入來
法律應該改做：
「大眾運輸工具應規劃設置便於各類身心障礙者行動與使用之無障礙設施及設備。未提供對
號座之大眾運輸工具應設置供身心障礙者優先乘坐之身障座」
用「身障座」的名就清清楚楚
有身障手冊才會當先坐
這陣毋是
連「老弱婦孺」嘛來鬥鬧熱
「老弱婦孺」到底是啥？
少年人跛跤或者有心臟病敢算「弱」？
若老人佮這个少年人攏欲坐
啥人優先？
舞甲傷複雜矣
新聞出現老人坐捷運佮人衝突
已經幾擺矣？
而且就算講無欲讓身障者先坐
敢有啥物處罰？
我是毋捌聽過
啊這个法是咧立心酸的？？
人濟的時陣
坐位就是資源
相爭真正常
一定會搶
敢有共規定講予清楚
予老百姓知影？
這才是重點
立法院較緊去修法啦
共博愛座提掉換做身障座
而且無欲讓位的
嘛愛增加處罰的法律
坐一下捷運爾
嘛會當舞遮濟代誌出來
真正是