離巢廿年！張衞健親揭重返無綫三大原因
創造過不少收視神話神、演活《西遊記》孫悟空的張衞健，離巢無綫逾二十年後回巢「母
校」拍攝台慶劇《大帥哥》。下午無綫隆重其事在尖沙咀舉行「歡迎張衛健回巢賀壽」，
並舉行參演《大帥哥》」簽約儀式，張衞健拖着兩大高層曾勵珍與樂易玲行紅地氈進場，
隨後在台上揮筆進行簽約儀式。
簽約似娶兩個老婆
張衞健隨後將記招變成Talk Show，有笑有淚。司儀問樂易玲對張衞健回歸有甚麼感受？
她說：「當然嗱嗱聲簽，上一次咁隆重簽字就係同老公結婚。」張衞健笑說：「我當年結
婚行紅地氈都係得老婆一條女，今次有兩件。」曾勵珍笑說：「兩條阿嬋（嬸）。」張衞
健則大賣口乖讚她風韻猶存。
張衞健續說今次返無綫有三個原因，都是圍繞一個情字，他說：「第一，今年係TVB五十
歲，非常重要嘅一年，我嘅演藝生命係呢度在誕生，係呢度茁壯成長，展翅高峰，雖然唔
算飛得好高，但出去都無丟架，要感激母校。」
答謝香港觀眾
張衞健指第二是要多謝香港觀眾，雖近二十年工作重心不在香港，但每次返港工作都獲得
香港觀眾的歡呼和掌聲，飲茶也不用排隊等位，觀眾又追問他何時返港拍劇，所以希望為
香港人拍一部劇，回饋香港市民，張衞健表示：「第三個原因係為咗感謝生命中其中一位
重要嘅女人珍姐，珍姐睇住我長大，佢連我TVB溝過幾多條女佢都知，但係佢從來無逼我
回巢，今次係重大日子，佢親自邀請，就二話不說答應。
張衞健又講到傾談片酬過程峰迴路轉，曾勵珍笑說：「使乜傾，信我咪得！」他指對方開
價時自己「吓」了一聲，但曾勵珍指價錢已很高，他惟有說「哦，咁好啦！」曾勵珍對與
相識30多年的張衞健不計酬勞回巢感動不已，更愈說愈激動哽咽，場面感人。
https://goo.gl/g9HQHM
記招尾聲張衞健突然嚴肅起來，講到當年離巢往事，他說：「今日如果阿sir（指邵逸夫
）喺度，好想同佢講拍完《西遊記》唔續約，的確係因續約價錢唔啱，今次再返嚟TVB並
冇計較過一分一毫，希望佢老人家高興，觀眾亦睇得開心，畫上完美的句號。」
張衞健受訪講到曾勵珍感動得哽咽，他表示：「係好感動，係呢個功利社會好難合作唔計
較金錢，自己唔計較都要為公司着想，做到要天時、地利、人和，首先自己要有唔計較嘅
心，唔計較拍劇半年，冇得做其他工作嘅真正損失。去到呢個年紀，我覺得唔計得咁多，
離開咗20年其實不斷有人搵我，但係今次唔同，係50周年，呢個機構同香港息息相關，冇
呢個機構自己亦入唔到行，觀眾睇住我長大，我同香港嘅觀眾係有一份感情，同埋咁多年
自己有個心願，好想用廣東話去拍一套戲（劇），但係咁多年嚟大環境都冇機會。」
講曾勵珍一度哽咽
張衞健指今次若果不回巢，將來亦未必有下次，他說：「下個50周年，我有心都冇力啦，
今次唔返將來都唔會返，今次嘅決定係經過深思熟慮。」張衞健早前笑言回巢條件是曾勵
珍參與演出？他笑說：「我講啫，佢睬我都傻啦，佢家依家係助理總經理嚟。」
張衞健與「母校」講心不講金，問到有沒有爭取其他條件？他說：「傾完題材之後，我就
同監製講我需要瞓覺，老人家唔攰得，咁耐冇拍都想有個最佳狀態，唔想每日瞓兩個鐘，
同珍姐講想有十個鐘休息，珍姐話吓？我同監製傾吓先。監製話得，不過要拍半年，到我
話吓？就咁傾咗拍半年。」此外，劇集的女主角由蔡思貝擔任，其他演員有洪永城、曹永
廉、徐榮、譚凱琪等。
https://goo.gl/nqTa4m