「牛佬的话」
嘘！Ｄ时间快到吓死人，又到礼拜一勒！
■先讲讲Ｄ紧要嘢！就系——有冇买我哋嘅《古惑仔》复刻珍藏版「原青男篇」第五期？
未买嘅话，唔好客气，即刻落街买番本咯噃！事关呢套作品，颇为抢手，手慢Ｄ随时断货
！所以咯喎……「拿林」勒！
■第二单系例牌嘢——《热血少年周刊》！唔驶多讲，有劳继续支持落去！未帮衬过嘅朋
友呢？嗯……真系要试吓勒！牛佬同埋伦裕国联手泡制金融财经连环图喎！点都有Ｄ新鲜
感啩……系咪？
■好，讲番今期古仔——系咪觉得，有少少峰回路转呢？除咗咁，应该亦令到大家有少少
「可惜地中海」嘅感觉！不过……系咁架勒！大凡「打柴」嘅人物，例牌「煮重佢米」，
就系咁，大家先至紧张佢嘅生死！吖！谂谂吓……有冇计救走地中海呢？大家有计嘅话，
不妨上去FB留言畀我！OK？
■去完呢一PART，牛佬就大件事咯！事关下一辑「戏码」，自己暂定系《谁是游子健？》
！哗……呢PART戏，都唔知点谂！莫讲话真谂，剩系睇见个「戏码」已经头痕！嗯……暂
定先啦，随时可能转弯都未定！事关近期有Ｄ老友略嫌敝刊少咗Ｄ江湖味！咁，索性整一
PART浓烈江湖气味嘅古仔，跟住先到《谁是游子健？》，好冇呢？（犹豫不决当中）
好，冇嘢噏勒！星期四再见啦！