b91310028社工一
我是中南部的人，平常在隴是講台語，上大學了後，就住宿舍，我的室友雖然也是中南部
來的，但是平常時陣，阮隴講國語，有一擺，因在講因對台語的感覺，有一個講到講台語
誠俗，一點隴無文雅，我想到我以前對台語的感覺。
會記得古早雖然厝內是講台語，但是去國校的時，阮隴不會講台語，因為感覺會見笑，怕
怕會去被人笑，大家嘛隴愛聽國語的歌，看國語的電視，笑講哪會有人看台語的節目？一定是
定是一寡老伙仔才會看，若是爸爸媽媽來找阮，講台語的時，家己會覺得見笑，想欲去躲
起來。
啥物物件隴愛進口的才是蓋高尚包括語言，開錢去學英語，別人會曉講啥物別國的語言
，就覺得伊誠厲害，會當出國比賽，這就是序大人講的:「近廟歧神。」「遠來的和尚會唸
經。」
對咱身軀邊的物件，咱不會去特別的注意重視，甚至不以為然。
會記得有一個老師曾跟阮講過:講台語為啥物會讓人感覺見笑或是歹勢，就是因為伊和
咱上親的關係，咱在講英語或是國語的時，因為咱的生活有一寡距離，較遠一寡，所以不會
會讓咱覺得傷親，歹勢，反而會感覺比咱較高的誤覺。
就因為這呢，所以咱對和家己上親的文化和語言就忽略，我上這的課了後，有誠多平
常時會感覺見笑啊是歹勢的話，讀過了後，感覺這是咱內心上真摰的話，有啥物好見笑的？
？而且，我和爸爸媽媽嘛較有話講，會不時討論台語的唸法，請教因按怎唸即對，因嘛誠歡
歡喜教我。