客家沙文主義-1
上嚴重是「客家沙文主義」个病毒傳染。
【2016桃園客家文化節 「客家月光團圓音樂宴」】
https://www.facebook.com/tycgnews/photos/pcb.1269447893066848/1269446806400290/?type=3&theater
「客家文化是桃園多元文化的亮點之一，桃園擁有唯一的海洋客家，今早在新屋舉辦的「
千人築石滬」，就重現傳統新屋客家漁民捕魚的方式。」
事實，客家是內陸民族，客人袂曉掠魚仔。所以台灣海邊仔無客人。新屋鄉个「石滬」攏
是閩南人做个，毋是客人做个。
這是我畫个一張新屋鄉語言地圖。地圖顯示海邊有三種閩南語小片：大牛椆个粵漳腔（
B2.1.3）、郭厝个新漳腔（B2.1.5）、蚵殼港个老同安腔（D1.1.1）。
新屋海口只有笨港村帶客人。怹是台灣唯一會曉掠魚仔个客人。我有去訪問過，我問講：
「客人無人會曉掠魚仔，按怎恁會曉牽罟？」受訪者講：「是共鶴佬人學个。」
客家沙文主義-2
所謂「客家沙文主義」个定義是：只有客家，無台灣，只有客家文化，無台灣文化（包括
閩南文化、原住民文化）。總講一句，著是客家意識超越台灣意識，客家利益超越台灣所
有族群个利益。
閩南文化攏變成客家文化：
客家板條？台灣話叫「粿仔」，也有講「粿條」，南洋个唐人叫「粿條」（kwetiau）。
客家三合院？攏是閩南式建築，客人是仿閩南式个「大厝」、「正身護龍」起个。
客家圓樓（台灣咁有圓樓）？
「圓塗樓」是明朝開始為著防倭番（ue-huan）海賊發明个建築。福建萬外間「圓塗樓」
，大部份攏是漳州、龍岩个閩南人起个，只有閩南語區周邊个永定、南靖客人區才有（詳
參黃漢民《福建土樓》，台灣版，1994漢聲雜誌社，2009北京三聯書局）。福建上大間个
圓樓「二宜樓」漳州市華安。我捌去過。
但是客人一直宣傳講塗樓是客家个代表文化，叫做「客家土樓」。鶯歌客家文化中心、交
通大學客家學院攏是圓樓造型，後龍高鐵站邊仔有一間劉政鴻起个圓樓著叫做「客家土樓
」。
台灣完全無圓塗樓，就是福建个客家有圓塗樓，也佮台灣無關係。「土樓是福建文化」毋
是「台灣文化」。是按怎用「福建土樓」來做「台灣客家文化」个象徵？
這著是我講个，客家委員會主導个客家文化運動「有客家，無台灣」个證據。
客家沙文主義-3
台灣文化攏變成客家文化：
客家花布？花仔布，上tsiap8用做被套，這是台南紡織公司製造个，佮客家完全無關係。
客家藍衫？這是古早台灣查某个衫，大概全中國古早攏穿這款衫，毋是干礁客家查某穿个
。
客家桐花？油桐是日治時代尾期，為著製造工業用油，鼓勵民間種个，台灣所有个山坡地
攏有種，毋是干礁客家才有。台北真儕，你駛車經過龜山、林口著看會著。我往過捌帶過
石碇仔，阮兜後壁著種足儕欉油桐（iû-tông）。
雞籠辦的桐花祭叫「基隆客家桐花祭」、深坑叫「深坑客家桐花祭」。毋過基隆、深坑的
桐花佮客家無關係。大概是因為加「客家」兩字，著會凍共客委會請錢，所以才按呢叫。
愛錢愛甲無格啦。但是提台灣人个納稅錢，按呢咧蹧躂台灣文化，這款客家沙文主義予儂
無法度忍耐。
客家沙文主義-4
這是台灣原創流行音樂大獎。內底有列93年-105年得獎个名單。照順序排「河洛語組」、
「客語組」、「原住民族語組」，但是請逐家注意，自103年起，著照「客語組」、「河
洛語組」、「原住民族語組」排順。客語已經徛起去所有台灣族群个頭殼頂！
不管是根據台灣个人口數排，流行歌个作品數排，也是客氣，先唯上少數个原住民排起，
客家永遠無資格排第一位。但是，為何「客家」會排起去第一位？
這咁毋是「客家沙文主義」？
蔡英文有對新北市个客人講卜「將客家變成台灣个主流族群」！事實已經開始矣。閩南族
群、外省族群、原住民族群攏變成支流、偏流、細流咯！
咱選一个客家妹來做總統，咱个頭家是客人。這是咱家己揀个，恁當時頓印仔選總統个時
，咁有想著，紲落去，「客家沙文主義」个大火會外猛？台灣國族主義無思考族群主義个
矛盾，咱已經看出問題矣。
https://www.facebook.com/uijin.ang?hc_ref=NEWSFEED&fref=nf