我小學前只會講台語，但一直到最近 (40+ 歲) 才開始學寫台語。
就像我之前學英文，靠英翻中、中翻英增加字彙一樣，在學了
半年之後，花了六個小時，把一篇我很喜歡的短篇小說
《阿清嫂》翻成台語，在此和大家分享。
我其實用倉頡輸入法，所以大部分的字，都不需用到拼音，
不過我有把一些我覺得陌生的羅馬字，標註出來。
因為有請長老教會牧師唸出全文，所以標教會白話字 (POJ)。
這阿清嫂是個寡婦，在小孩都長大後，受聘為外國傳教士照顧
小孩。文裡的「蘭醫生」是彰化基督教醫院的創辦者，「大衛」
是他的長子，後來也是彰基醫院的院長，兩代奉獻台灣醫療。
《阿清嫂》介紹和朗讀，連結 29:05 開始：
https://sndn.link/JesusTW/33J2ZQ
阿清嫂 by 連瑪玉 (蘭醫生媽)(老蘭醫生娘)
我真有把握，你一定揣 (chhōe) 無比這个閣較親切、有愛心 (thiànn-sim) 的保母。
伊的名號作「阿清嫂」，伊定定按呢講：「我愛 (或唸 thiànn) 細漢大衛，比家己的囡仔
較愛；我捌 (pat) 拍家己的囡仔，但是我絕對袂打大衛，我傷 (siunn) 愛伊啊，毋甘出手
。」
有時陣，大衛按怎腰，就是毋肯睏。阿清嫂就會共伊綁咧尻脊骿 (kha-chiah-phia )，那
唱歌，那四界行。免兩分鐘，大衛著睏去矣 (ah)。毋閣阿清嫂歌唱了真古怪，伊的聲足大
聲，若親像鴨仔咧叫，歌詞的意思差不多是按呢：「憨囡仔啊，想欲睏，閣愛人 (chhō
a)；憨囡仔啊，緊睏，緊睏吧。」
有時天氣熱，大人囡仔攏歹睏，大衛醒來咧遐吼 (háu)，阿清嫂著會過來鬥相共。伊會
講：「戇囡仔，你精神起來是欲創啥？是欲去偷牽水牛，抑是欲出門去掠魚仔？」講煞伊著
會共大衛抱佇手裡，開始唱伊的囡仔歌，大衛連鞭 (liam-mi) 著閣睏去矣。
我有翕 (hip) 一張相片：阿清嫂徛佇遐，後壁偝 (āi ) 大衛。阿清嫂手內提一本聖經
，伊那行那 大聲讀出喙 (chhut-chhùi)，大衛看起來真四序 (sù-sī)。
阿清嫂頭一擺接觸著耶穌，差不多是九年前。伊是一个 (ê) 寡婦，住在台南附近，三个
囡仔都大人矣。滿雄才牧師娘透過人介紹，揣著一个客氣、好禮的太太，來照顧伊的細漢囝
仔摩里斯 (Maurice)，彼个太太就是阿清嫂。阿清嫂搬去滿牧師館蹛 (tuà)，佇遐，伊頭
一擺聽著主的名。
伊去滿牧師館無外久，滿牧師一家口欲回國放假，就將「阿嬤」(阮攏是按呢稱呼保母)
送去讀女校。佇女校，萬珍珠姑娘教伊識字。毋過阿清嫂無習慣規頂半晡攏咧上課，伊以前
毋捌讀過冊，較無耐性，坐袂牢。所以等到我的後生大衛出世，阿清嫂就搬來阮兜。
你若是等到 38 歲才開始去讀冊，會是什麼情勢呢？
阿清嫂罕咧出門，規世人干焦 (kan-na) 按伊个庄仔頭到台南去爾爾 (niā-niā)。伊搬
來佮阮蹛 (tuà) 了後，就有真濟出門行行的機會。頭一擺伊是佮阮去小琉球，伊毋捌看過
大海抑是船。阮愛 (ài) 坐船過去小琉球，彼日海面無啥平靜，船幌 (hài ) 甲真厲害
。甘單大衛感覺真趣味，其他个人都眩船 (hîn-chûn)。阮阮佇船頂面擋一暝，甲板 (kah-
pán) 有位通 (the) 三、四个人爾爾 (niā-niā)，阮七个人硬櫼 (chi ) 作一排。
雖然阿清嫂仔眩甲真忝 (thiám)，有時人嘛真好勢。逐擺吐了後，伊會講：「蘭醫生啊
，較振作一寡仔，來吃弓蕉 (keng-chio)！」抑是歸氣提一片王梨抹我的鼻仔下跤。這當然
予阮閣較艱苦。
閣來有一年，阮欲去日本渡假，阿清嫂嘛綴 (tuè) 阮去。毋閣有小琉球的眩船經驗，伊
驚海驚甲逐日攏咧祈禱，求上帝予阮的旅程會當安穩。伊真相信這逝 (chuā) 會順利，不
時咧講：「上帝會備辦阮的路」。結果海面有影真平靜。
伊對大船誠 (chiâ ) 有興趣，一直想袂透，船到底是怎樣徙 (suá) 進前？在大海中
央，除了看袂離的深藍色海水，就無別項阿。伊講：「逐位看起來攏共款，船長欲按怎知影
向 ( g) 逐位去？」這是一个好問題，敢 (kám) 毋是？阮就對阿清嫂解釋羅盤，台語講
的子午針 (chú—ngó -chiam) 的原理。
但是仝 (kâng) 一日，伊又閣問蘭醫生：「大海敢有底啊？」這是毋是真巧 (khiáu)
的問題呢 (neh)？另外一工 (kang) 伊閣講：「為啥物沒人來遮 (chia) 掠魚仔啊？若來
這遠的所在，就會使掠著遐爾大尾的魚仔，有的有幾若 (kuí-nā) 百斤重喔。」
雖然對阿清嫂來講，逐項物件攏是遐爾稀罕、心適 (sim-sek)，伊不外合意 (kah-ì)
蹛咧日本。伊會講有馬 (Arima) 有足媠 (chiok-suí) 的水沖 (chúi-chhiâng)，東京有
動物園，淺間 (Assama) 有一粒火山，逐暗攏共 (kā) 天上照甲金鑠鑠 (kim-siak-siak)
，日時會看著噴發的火炎 (hué-iām)。但是，就算講轉去到福爾摩沙，是天氣誠燒熱的九
月，伊猶原非常歡喜倒轉到厝內。
大衛拄 (tú) 滿一歲的時，阮愛去英格蘭休睏較久，阿清嫂只好佮大衛分開。阮離開
彼日，阿清嫂哭甲真傷心，手巾仔澹 (tâm) 去幾何條 (kuí-ā-tiâu)。
阿清嫂講：「等大衛大漢，轉來福爾摩沙作醫生，伊就愛照顧我啊。這馬是我照顧伊，
等我老啊，破病啊，我欲來彰化揣醫生提藥仔。」
阮這個有愛心的「阿嬤」啊，伊想著阮轉去英格蘭，需要經過大海佮加拿大，這路遮爾
遠閣遮爾啊寒 (kôa )，伊袂使佮阮做陣，鬥相共顧大衛，予伊誠傷心。毋閣伊傷心歸傷
心，伊幫贊 (pang-chān) 阮攢 (chhoân) 甲妥當 (thò-tòng)。阮欲離開幾何個 (kuí-
ā-ê) 禮拜進前，伊逐暗攏咧祈禱，懇求上帝為阮備辦無湧的海面，予蘭醫生佮我身體攏
勇健，才 (chiah) 會使看顧大衛。
伊特別數念 (siàu-liām) 的是，大衛拄咧發喙齒 (chhùi-khí)，一齒一齒一直生
出來，定定咧發燒，伊嘛定定為著按呢咧祈禱。伊睏的房間佮阮的相倚 (óa)，門窗無關，
阮有時會聽著伊在講啥。佇阮欲離開前一暗，伊懇求上帝，予大衛的喙齒暫時莫 (mài) 發
，聽候 (thìng-hāu) 阮安全轉去到英格蘭。伊真驚大衛若發燒，父母閣破病，就無法度
共大衛顧甲好勢。雖然毋是攏照阿清嫂所祈求的，但是上帝有回應伊。咧旅途中間，大衛有
發兩齒，毋過 (m -koh) 過程誠順利，等到喙齒差不多攏發出來，阮才發現。
阿清嫂尾啊無閣來過阮兜 (tau)，因為伊轉去作滿牧師囡仔的阿嬤矣 (ah)。但是伊
的愛心，佮伊照顧阮大衛的一切，阮永遠袂去乎放袂記。阮若去台南，不時會拄著阿清嫂。
大衛用台語佮伊開講，伊總是非常歡喜。伊原仔會問大衛，大漢了後敢欲 (kám-beh) 轉來
福爾摩沙，共伊開藥仔。大衛講：「會啦」。