不然你們看得懂他在寫什麼嗎??
大陸人文社出版一套古典小說藏本 我看選書25本都不錯
但選進海上花列傳一本 有點突兀
=
趙樸齋在路上咕嚕道：「耐為啥要走？鑲邊酒末落得擾擾俚哉宛。」
被張小村咄了一口，道：「俚哚叫來哚長三書寓，耐去叫幺二，阿要
坍台！」林齋方知道有這個緣故，便想了想道：「莊荔甫只怕來哚陸
秀林搭，倪也到秀寶搭去打茶會，阿好？」小村又哼了一聲，道：「
俚勿搭耐一淘去，耐去尋俚做啥？阿要去討惹厭！」樸齋道：「價末
到陸裡去？」小村只是冷笑，慢慢說道：「也怪勿得耐，頭一埭到上
海，陸裡曉得白相個多花經絡。我看起來，覅說啥長三書寓，就是幺
二浪耐也覅去個好。俚哚才看慣仔大場面哉，耐拿三四十洋錢去用撥
俚，也勿來俚眼睛裡。況且陸秀寶是清倌人，耐阿有幾百洋錢來搭俚
開寶？就省點也要一百開外哚，耐也犯勿著宛。耐要白相末，還是到
老老實實場花去，倒無啥。」樸齋道：「陸裡搭嗄？」小村道：「耐
要去，我同耐去末哉。比仔長三書寓，不過場花小點，人是也差勿多
。」樸齋道：「價末去。」
==