公衛一 B91801033 鍾婉君
我住在雲林縣，台語，抵hia非常普遍，所以台語是我尚早捌e5一個語言。猶e5記得，
我第一擺去幼稚園，老師叫我"把椅子靠攏"， 害阿!啥米叫做"靠攏"?我那親像鴨阿聽雷，
khia7抵hia攏無動靜，老師連續講2擺，尾仔伊kui7-khi3自己動手卡緊，看伊做了後，我
才知影"靠攏"e5意思，實在是chiaN5歹勢。
讀小學以後，抵學校我就差不多攏無koh講台語阿，因為我感覺及同學講台語是一件
chiaN5奇怪e5代誌，同學也掠準我不啥米會曉講台語，逐個人聽到我講台語，攏ka2-na2
發現新大陸，給我講我講台語chiaN5好笑，實在是使人beh哭沒目屎。
一直到高中，大家才相信我真正會曉講台語。因為阮班有幾阿個人攏無啥會曉，尚
ham3 e5都是有一個同學，in阿公阿嬤攏是外省人，因為伊自細漢都和in阿公阿嬤住鬥陣
，所以根本聽無台語，大家攏愛給伊chhong3-ti7，有一擺甚至騙伊"咖啡"e5台語叫做
"香港kha"，實在是真好騙，可見學台語是一件chiaN5重要e5代誌，那be7曉，不定hon5
賣去阿koh給人se3多謝，按呢都chiaN5慘囉。
chit-ma2來台北讀書，發現擱卡濟人beh曉講台語，越大漢假那離台語越遠，越來越
濟人感覺會曉講台語真厲害，遮干是表示咱e5台語文化漸漸hon5放beh記阿，減采擱過幾
十年，干單伸遮的年紀卡大e5人在講台語耳耳，按呢是chiaN5無采，台語不單是咱e5母語
，擱有真濟感覺、聲音，只有台語會當表達，我實在不希望伊按呢消失去。