逐家好~
佇臺語的聲母中,其中有j- l- g-
這三種音我攏發的出來，無講足硬篤
看了一寡論文，文獻佮資料
對這三種音佇無仝所在，有無仝的主流,消長和衰微
原仔有一定成度的瞭解
但是,不管是〔然〕〔人〕〔入〕〔字〕〔二〕〔染〕〔辱〕〔鰇〕這類等等音
我佇家鄉左營，自細漢到大漢〔g-〕音,佇我這咧環境四箍輪轉聽著是誠四常的代誌
當我投入閩南語檢定，為著想欲更加提升臺語的[聽][說][讀][寫]的能力
我才意識著佇規个臺灣的大環境
極端的〔g-〕是屬於相對少數人才有啊呢的習慣
佇〔教育部常用字典〕我嘛揣無我慣勢的用法
所以，佇煞尾,想欲請教的問題是:
若是準備臺語檢定,是毋是就愛全部攏照[教育部常用字典] 以[j-][l-]
當做是標準來準備?
平常時仔,俺咧準備口說的時陣，嘛攏愛共[g-]的習慣改過來?
若無,敢會受著影響?
多謝逐家~ 勞力~