b91310028社工一
在以前，我隴是一直住在厝內，和厝內的人雖然每天作伙生活，
但是，我定定和阮厝內面的人冤家，嫌阮媽媽傷雜唸、囉嗦，
管東管西、誠煩，阮老爸定定隴對阮老母的話在講，婦唱夫隨，
阮小妹定定在和我講話的時，隴會去ho我罵，講伊隴在吵我讀冊，
那時陣，我非常想欲搬出去住，會呢，都沒人會當管我啊！我會當
做我合意的代誌，隴隨在我去。
不過，在我真正因為讀大學來到台北住了後，無人會管我，嘛無人
唸我、吵我，照理講，我應該會誠歡喜才對，無拘無束嘛！抵頭仔有樣
是這呢沒不對啦！過一陣時間了後，我煞顛到懷念以前老母的碎碎唸，
小妹在我邊仔吵我玩，閣有厝內媽媽煮的清操的菜，我知影媽媽誠重視
阮的健康，所以伊隴會煮糙米飯，閣用桿橄油炒菜，而且，阮媽媽閣有
考過廚師執照，誠會曉變菜色，讓我隴呷不會sian,不時，伊閣會煮蕃薯
綠豆湯，無都是用仙草啊是愛玉，隨時，翻冰箱隴有物件通呷就對啊！
我在呷媽媽用的物東的時，隴感覺有「元氣」的感覺，就是因為有伊
在照顧阮厝內的大大細細，阮才會有不錯的抵抗力，身體隴不錯。
這碼，欲呷物件就愛家己去買物件來呷，而且碼不知這是有衛生啊無？
閣感覺啥物物件隴誠貴。
住在外面，我才知影我有多愛阮家、阮故鄉，我幾乎每天隴和厝內的講
電話，有當時啊，罔聽因的聲嘛好勢，慰藉家己思鄉的情懷，尤其是阮小妹
那親像火雞母的雜不停，實在講，嘛是誠古錐。