公衛一 B91801022 周東陽 (第九組)
還記得在上<大學台語文選>的第一課,台灣主體性的白話文運動時
曾經提過語言文字化的重要性,讓我印象最深刻的一句話是:「若是
使用台灣白話文,每讀一遍、寫一遍就是ti7咱頭殼內聽一遍、講一
遍台灣話,結局是台文愈讀,台灣的語詞愈豐富、台灣話的文法愈正
確,台灣話自然就會愈gau5講,也自然會用按台語文化產生出來的價
值觀思考問題。」我非常認同這款的講法,咱生活在台灣的台灣人,
若是攏會曉用台灣白話文來記錄咱的代誌,我相信,咱的文化一定會凍
保存,甚至台灣的文化會愈來愈豐富，愈來愈精采。
最近在爸爸的建議下看了呂興昌教授主編的<台語文學運動論文集>
其中關於台語文字化的重要性,作者提出了幾個觀點:
1.語言隱含共同的感情
語言、文字會凍喊起咱共同的感情,寫文章是為著欲互別人看,欲希望
寫著讀者的心聲,會凍互讀者同感。譬如講北京話講「我愛你」和台灣
話的「我恰意汝」,台灣人聽著這兩句話的感受一定無kang5,因此,
若是要交一個台灣人做男(女)朋友,就一定要用「我恰意汝」,安呢
會較親切,也更能夠傳達出自己的心意。
2.語文是一種生活
人本身有一個天才,會凍將生活中一切的物件、事情，看會著的、看昧
著的，用一個「名」來稱呼伊，這就是語言美麗e7所在。譬如講台灣人
的婚俗中「大定」「小定」,有伊一定的生活內容,借用別種近似的話來
代替,實在是昧凍盡意。擱譬如講「西北雨」,這m7是陣雨、雷雨甚至是
午後雷陣雨,只有「西北雨」才會凍盡伊e7意。
3.語言、文字蘊藏民族的智慧
孕育一個民族e7智慧,細到日常生活,大到宇宙道理,攏是會將伊保留在
語言文字中。譬如咱講e7俗語、諺語、歌謠,這些攏是真大e7智慧。台灣
有一句話﹕「人情留一線,日後好相看。」咱台灣人聽著這句話,馬上知影
古早人向咱訓示人情的重要,假使咱時常使用咱e7母語,咱就會感覺咱是有
智慧的人。
從這些觀點看來,咱實在有必要多用台灣的文字。所以咱若m7寫台灣生活的
文字便罷,若是欲寫,就一定要用台語來寫有較好!